أنا مابخفش
أنا مابخفش وحفضل أقول
كلمة حق عليها مسؤول
إن الريس راجل طيب
وبشعبه دايماًَ مشغول
مشغول إنه يلم فلوسهم
بره سويسرا يحو شهلنا
وف حسبات سريه يشلها …..
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحة تبقي عواله؟؟
أما حكاية المنتجعات
ليه بتسموها معتقلات؟؟؟؟
ليه الظن…… وسوء النية
نفسه يفسحكوا يا بهوات
أما الكرسي واللي تقال
دا كلام مش محتاج لسؤال
الغلطة دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله؟؟؟
في 03 فبراير، 2011
ليست هناك تعليقات:
إرسال تعليق